ඇඟ නිවන, පිළිකා නසන, රසයෙනුත් අඩුවක් නැති අනෝදා බීම එකක් ගෙදරදීම හදාගමුද?

අනෝදා කියන්නෙ රස වගේම ගුණයෙන් අනූන පලතුරක්.

මේක හොයාගන්නත් හරි ලේසියි.

අනෝදා, ඇඟ නිවන පලතුරක් හැටියට වඩාත් ජනප්‍රියයි.

පලතුරක් හැටියටම ආහාරයට නොගෙන, අනෝදා පානයක් ලෙස ගැනීමෙන් වැඩි ගුණයක් ලැබෙන බව ඔබ දැනන් හිටියාද?

පහතින් තියෙන්නෙ එලෙස රසවත් අනෝදා පානයක් සකසා ගන්නා ආකාරය යි.

අවශ්‍ය ද්‍රව්‍ය :

• අනෝදා ගෙඩියක්
• වතුර මිලීලීටර් 700ක් පමණ
• ලුණු රස අනුව
• සීනි රස අනුව
• දෙහි (අවශ්‍ය නම්)

සාදන ආකාරය :

• මුලින්ම කටු අනෝදාවල මද ඉවත් කරන්න.
• වතුර මිලිලීටර් 700 න් 300ක් අනෝදා සමඟ බ්ලෙන්ඩරයට දමන්න.
• අනෝදා හොඳින් දිය වන තුරු බ්ලෙන්ඩර් කරගන්න.
• බ්ලෙන්ඩර් වූ පසු ඉතිරි වතුර ප්‍රමාණය ද අනෝදා මිශ්‍රණයට දමන්න.
• අනතුරුව රස අනුව ලුණු, සීනි සහ අවශ්‍ය නම් දෙහි එකතු කර හොඳින් කලවම් කරගන්න.
• අවසානයේ අයිස් කැට දැමූ වීදුරුවකට සකසන ලද අනෝදා බීම දමා පිළිගන්වන්න.