පිරිමින්ගේ මොළය, කාන්තාවන්ගේ මොළයට වඩා වැඩියි – සමස්ථ මානවයාගේ මොලයේ ප්‍රමාණය කුඩාවෙයි – නවතම අනාවරණය

මීට වසර 100,000කට පෙර විසූ හෝමෝ සේපියන් මානවයන්ගේ මොළයට වඩා නූතන මිනිසාගේ මොළය සියයට 13%කින් පමණ කුඩා බවට සමීක්ෂණයකින් අනාවරණ වී තිබේ.

නමුත් ඊට හේතුව කුමක්ද යන්න පර්යේෂකයින්ට තවමත් ප්‍රහේලිකාවක් වී ඇත.

සාමාන්‍යයෙන් මිනිසාගේ මොළය විශාල ලෙස හැඳින්වෙන අතර එය පෘථිවියේ වාසය කරන අනෙක් සත්ත්ත්වයින්ට වඩා සුවිශේෂි ලෙස සැළකෙන්නේ චින්තනය සහ නවෝත්පාදනය සඳහා මිනිසාට ඇති හැකියාව නිසාවෙනි.

එම හැකියානේ සිදුකල හැකි දෑ බොහෝයි.

ඒ අනුව නිසැකවම, අනෙකුත් සතුන් සමඟ සසඳන විට, මිනිසාගේ මොළය විශාලයි.

නමුත් මිනිසාගේ මොළය සම්බන්ධයෙන් සිදුකළ විවිධ අධ්‍යයනවලින් පෙන්නුම් කර ඇත්තේ වර්තමානයේ මිනිසාගේ මොළය කුඩා බවටයි.

එම ප්‍රවණතාවය හෝමෝ සේපියන්ස් මානවයන් හා සසඳන විට ආපසු හැරවීමක් ලෙස සැළකිය හැකි බව පර්යේෂකයින්ගේ අදහසවේ.

2023 වර්ෂයේ අමෙරිකාවේ නිව් යෝර්ක් නගරයේ ස්වභාවික ඉතිහාස කෞතුකාගාරයේ සිදුකළ අධ්‍යයනයකදී මේ බව අනාවරණ වී ඇත.

එහිදී ආසියාවේ, යුරෝපයේ සහ අප්‍රිකාවේ විවිධ කාලවලදී ජීවත්වූ මිනිසුන්ගේ මොළය සම්බන්ධයෙන් පරීක්ෂණ පවත්වා ඇති අතර මොළයේ ප්‍රසාරණය වේගවත් වන බවද ඔවුන් විසින් සොයාගෙන තිබේ.

ඒ අනුව වර්තමාන පිරිමින්ගේ සහ කාන්තාවන්ගේ හිස් කබල අවසන් අයිස් යුගයේ ජීවත් වූ හෝමෝ සේපියන් මානව වර්ගයේ හිස් කබලට වඩා සාමාන්‍යයෙන් 12.7%කින් කුඩා ප්‍රමාණයක් ගනී.

පිරිමින්ගේ මොළය, කාන්තාවන්ගේ මොළයට වඩා 11%කින් විශාලය.

කෙසේ වෙතත් කාන්තාවන්ට සහ පිරිමින්ට සමාන ඥාන ශක්තියක් පවතින බව පැවසේ.

කෙම්බි්‍රජ් විශ්වවිද්‍යාලයේ මානව පරිණාමීය අධ්‍යයනය සඳහා වන ලිවර්හල්ම් මධ්‍යස්ථානයේ මාර්ටා ලාර් ප්‍රකාශ කර ඇත්තේ මිනිස් මොළය හැකිළීම ආරම්භ වී ඇත්තේ, අවුරුදු 10,000කට පෙරදී බවය.